推薦同學:范曉晴(S.5D)、馬嘉津(S.5D)
推介書目:《豐子愷兒童文學全集─博士見鬼》
作者:豐子愷著
推薦形式:對答



范曉晴:

校長,各位老師,各位同學,早晨!而家係學生心水好書推介兩分鐘的時間! 我係5D班的范曉晴。
馬嘉津:
我係5D班的馬嘉津。

范曉晴:

邊個話「女人心,海底針」架,我話「男人口甜舌滑,永遠靠唔住」就真!
馬嘉津:
做乜咁大感慨呀!

范曉晴:

咪係個個林博士囉,睇佢外表斯斯文文,仲話係研究數學既人,得過國際獎,是一個光明正大既科學家,後來佢同大學同學王女士結婚,點知結婚一年後林太就一病不起,林太臨終時,博士係佢耳邊承諾不會再婚,永遠為佢守節。
馬嘉津:
咁都信? 真係太天真囉~

范曉晴:

咪係~ 過了三個月,博士就同李女士結婚啦!
馬嘉津:
佢唔係話唔再娶既咩?

范曉晴:

所以咪有報應囉~ 從此佢地兩夫婦時時見鬼,就好似有一夜佢地見到一個女人上落樓梯,又有一個半夜,佢地聽到喊聲,仲見到隻女鬼要拉佢地落陰間添呀!
馬嘉津:
咁有咩解救呀?

范曉晴:

佢地咪一齊到王女士靈前跪拜同道歉囉,點知第二日朝早,王女士既神主牌有寫字的一面面向牆壁。
馬嘉津:
好明顯係死者顯靈,表示痛恨佢地同唔接受佢地既道歉啦。

范曉晴:

佢地唯有將神主牌擺好,點知第二日個神主牌有字既一面又面向牆,從此林博士兩夫婦見鬼仲越來越多呀!
馬嘉津:
咁隻鬼有冇整死佢地呀?

范曉晴:

各位同學,如果想知道係咪真係咁猛鬼,就去圖書館借《豐子愷兒童文學全集─博士見鬼》呢本書啦!
馬嘉津:
豐子愷透過呢本書,用簡潔的文筆表達了對現實社會既感悟同感慨,好似《博士見鬼》既有科學,又有人性,使人拍案叫絕。
范曉晴:
豐子愷從兒童既視角出發,將兒童生活細膩而真實地描述出來,他的作品除了流露出善良溫厚的父親對孩子無比的慈愛外,背後仲有著殊為複雜的人生哲學意味。
馬嘉津:
喜歡文學、喜歡豐子愷的人絕對不可錯過《豐子愷兒童文學全集─博士見鬼》呢本書啦!多謝!