推薦同學:蘇春婷(S.5A)、阮敏華(S.5A)
推介書目:《來生不做中國人》
作者:鍾祖康著
推薦形式:二人對答



阮敏華:

大家好!現在是學生心水好書推介兩分鐘的時候。 我是5A班的阮敏華。

蘇春婷:
我是5A班的蘇春婷。
阮敏華:
喂喂喂∼你知唔知啊,我近離鍾意左個外國明星啊∼佢又高又大隻,唱歌個陣仲好有台型添呀!
蘇春婷:
乜你咁崇洋架!其實中國明星都幾好啊∼前晚劉德華先拿了影帝。
阮敏華:
說話又唔是咁講啊!如果下一世,你願不願意再做中國人啊?
蘇春婷:
嗯… 而家中國經濟發展迅速,又是全球中的強國。點解唔做中國人啊?做中國人幾好啊!
阮敏華:
等我話你知啦!在2006年,中國的網站「網易文化」就在網上開始了一項中共統治50多年來最為敏感的調查,題目是:「如果有來生,你願不願意再做中國人?」結果投票結果顯示竟然有高達約65%的人表示來生不願意再做中國人!選擇來世再做中國人的只有約35%咋!
蘇春婷:
我都有睇過呢個報導啊!投票者話不願意再做中國人,是因為覺得做一個中國人缺乏人的尊嚴,亦有人表示在中國買不起房子,幸福離佢好遙遠啊。
阮敏華:
見同你咁熟,醒本天書過你睇下啦!呢個就是由香港作家鍾祖康寫的《來生不做中國人》。單睇個標題就知道內容有幾衝擊啦!本書是根據呢個調查所寫的,指出中國對人類文明的禍害、對環境的摧殘以及中國人的陋習等等,所以此書在中國是列為禁書家。
蘇春婷:
書中亦列舉了一些網民的留言。其中一個網民表示,想想自己在中國出生後走過的50多年的人生歷程,我所經歷的不幸,所有同齡人都能夠一聽就明白:「剛剛學會說話,
阮敏華:
就天天喊餓喊了三年,
蘇春婷:
剛剛懂得好好學習天天向上的意思,
阮敏華:
就天天喊萬歲喊了十多年。
蘇春婷:
再後來,我趕上偉大的改革開放新時代,
阮敏華:
卻上錯了車而被車到一個又一個沒有權勢的小衙門,如今成了一個標準的窮人…」
蘇春婷:
唉,咁又真係幾慘喎!
阮敏華:
更有一個網民表示,生為中國人,我沒有尊嚴我感到悲哀!中國的文化都是虛偽的文化!我連最基本的生存權都不存在,更不要說發展權了!
蘇春婷:
呢本書就連科幻小說大師倪匡都講過,呢個是畢生難得一見的好書,要讀呢本巨書,需要相當程度的勇氣,需要一定程度追求真理的良知。有興趣的同學,歡迎到圖書館借閱呢本由鍾祖康寫的《來生不做中國人》。多謝!