推薦同學:范曉晴(S.3B)、馬嘉津(S.3B)、嚴杏意(S.3B)
推介書目:《怪獸家長2:孩子復仇記》
作者:屈穎妍著
推薦形式:二人對答



嚴杏意:

校長,各位老師,各位同學,大家好!現在是學生心水好書推介兩分鐘的時候! 我是3B班的嚴杏意。

馬嘉津:
我是3B班的馬嘉津。
范曉晴:
我是3B班的范曉晴。以下是一段小學生的對話。
馬嘉津:
明天放假啦,不如一齊出去玩囉!
嚴杏意:
唔得呀。
馬嘉津:
點解啊?
嚴杏意:
雖然我都好想去,但係我聽日十點要去學羽毛球,兩點要學鋼琴,四點要學跳舞,七點我又要私人補習,十點先可以訓覺呀。
馬嘉津:
嘩!點解你咁多活動架?但係你成績咁好都要補習?
范曉晴:
有一次…
嚴杏意:
(喊)
馬嘉津:
你做咩喊啊?
嚴杏意:
我今次默書差一分呀!
馬嘉津:
我都差一分啊……就合格啦,你都係呀?
嚴杏意:
唔係啊,我差一分就100分啦。
馬嘉津:
下?你咁高分都喊?
嚴杏意:
如果我拿唔到100分,阿媽就會打我架啦,甚至剪我一執頭髮,等我無面見人呀!
馬嘉津:
下?乜你咁慘架……
范曉晴:
以上係一段港孩的對話,而呢段對話就反映了「怪獸家長」希望孩子精通琴棋書畫、七八種外語、十八般武藝,最好就成屋都係證書、獎牌、獎盃,但係咁樣營造出來的「怪獸校園」,對於小朋來來講,係咪一個好的教育方法呢?《怪獸家長》呢本書正好係一面鏡子,令「怪獸校園」的不同持分者去思考自己的角色,係理想的通識教育讀物,也是理想的親子學習材料,有興趣的同學,歡迎到圖書館借閱呢本《怪獸家長2:孩子復仇記》啦,多謝各位!