推薦同學:蘇春婷(S.3E)、阮敏華(S.3E)
推介書目:《原來你非不快樂》
作者:林夕著
推薦形式:二人對答



阮敏華:

校長、各位老師、各位同學,大家好!

蘇春婷:

現在是學生心水好書推介兩分鐘的時間。

阮敏華:

蘇春婷呀!你係咪好唔快樂呀!

蘇春婷:

你唔係我,你點知我唔快樂?

阮敏華:

你唔係我又點知道我唔知道你唔快樂呢?

蘇春婷:

因為我唔係唔快樂囉!

阮敏華:
咁你知唔知咩係「快樂」先?
蘇春婷:
我想好似許冠傑咁唱「快樂,是回家往浴缸裡的一浸。」擦乾身後呢?咁就可以減壓。
阮敏華:
咁是一時的快感咋!點算快樂
蘇春婷:
呀!我晚晚都睇「飛女正傳」,我真係好開心,所以我好快樂。
阮敏華:
依家「飛女正傳」都做完啦!樂極都不可能永遠忘形。
蘇春婷:
啊!我知有人講快樂的近親有好多,例如:開心,開懷、高興、 狂喜,興奮,仲有「安樂是快樂的母親」,只有心境安樂才可以保住飄忽無常的快樂?我係咪好醒呢!
阮敏華:
都幾醒啦!只有心無掛礙先至會安樂自在,才能讓煩惱與痛苦視 而不見。所謂「一念天堂,一念地獄,快樂本來由心決定,就好似空氣咁,用力呼吸才會發覺它的存在,但用力呼吸到喘息,就 會害怕失去空氣咁,所以執著於快樂,又會不快樂。」你明唔明?
蘇春婷:
哦,我明啦!就好似著名填詞人林夕的散文作品《原來你非不快樂》這一本書就和我們解釋了快樂的謎團。仲有啊!呢本書曾登 上三聯及Pageone書店的暢銷書榜第一位。如果大家對這本書有興趣,歡迎到圖書館借閱這本《原來你非不快樂》,多謝!